ಕಳೆದ ವಿಳಾಸ

ನೆರಳಿಲ್ಲದ ಊರಿನಲ್ಲಿ
ವಿಳಾಸ ಹುಡುಕುವ ತವಕ,
ಬಾಯಾರಿ ಬಸವಳಿದ ಮನಸಿನ ತುಂಬಾ
ಕಾಣದ ಓರತೆಯ ಪುಳಕ!

ಊರೆಲ್ಲ ಹುಡುಕಿದರೂ
ವಿಳಾಸ ಸಿಗುತ್ತಿಲ್ಲ,
ರಚ್ಚೆ ಹಿಡಿದ ಮಗುವಿನಂತೆ
ಮನಸ್ಸು ಬಿಡುತ್ತಿಲ್ಲ!

ಅಗೋ! ಅಲ್ಲಿರಬಹುದೆಂದು ಊಹೆ,
ಓಡುತಿದೆ ಮನಸ್ಸಿನ ಕುದುರೆ
ಇರುವ ಭಂದನಗಳ ಬಿಡಿಸಿ,
ಕಾಣದ ಮನ್ವಂತರದ ಕಡೆಗೆ!

ಕೆಲವೊಮ್ಮೆ ಊಹೆಯು ಸುಳ್ಳಾಗಬಹುದು!
ಊಹೆಗೂ ನಿಲುಕದ ವಿಷಯಗಳಿರಬಹುದು!
ಮನಸ್ಸು ಹಿಡಿದ ವಿಳಾಸವೇ ತಪ್ಪಿರಬಹುದು !
ಭಾವಕೆ ನಿಲುಕದ ಕನಸಿರಬಹುದು..?

ಈ ಕನಸು ಮನಸ್ಸುಗಳ ನಡುವೆ
ನಾನು ಹುಡುಕುತ್ತಿರುವ ವಿಳಾಸವೇ,
ಕಳೆದಿರಬಹುದು....!