ಹಾಗೆ ಸುಮ್ಮನೆ

ಗೀಚಿದ ಗೆರೆಯ ಅರ್ಥ
ಹುಡುಕುತ್ತ ಕುಳಿತೆ.!
ಸಿಕ್ಕಿತೇನೋ..? ಆದರೆ
ಅರ್ಥಕಿಂತ ಗೆರೆಯೇ
ಸುಂದರವಾಗಿದೆ.
*******************
ನಾ ನೋಡಿದ ಕಡೆಯಲೆಲ್ಲ
ಬರಿ ನಿನ್ನ ನೆರಳೆ ತುಂಬಿದೆ..!
ಆ ನೆರೆಳಿನ ಸೆರೆಮನೆಯಿಂದ
ಹೊರಬರುವ ದಾರಿ ತಿಳಿಯದಾಗಿದೆ..?
*************************** 
ಹುಡುಕಿದರೆ ಸಿಗಭಾಹುದೇನೋ
ಆ ಸಂತೆಯಲಿ ಕಳೆದ ನಾಣ್ಯ,
ಆದರೆ ನನಗೆ, ಹುಡುಕುವ ಆಟಕಿಂತ
ಕಳೆಯುವ ಆಟವೇ ಚಂದ ..!
**************************
ಕನಸು ಕಳೆದು ಹೋಗಿದೆ..?
ಬಹುದಿನಗಳಿಂದ ಕೂಡಿಟ್ಟ, ಬಚ್ಚಿಟ್ಟ
ಅಮಾಯಕ ಕನಸು ಕಾಣದಾಗಿದೆ..!
ಸಿಕ್ಕಿದರೆ ಅದನ್ನು ನೆನಪಿನ
ಸೆರೆಮನೆಗೆ ದೂಡುವ ಶಿಕ್ಷೆ ಕಾದಿದೆ!.
**************************
ಪದಗಳ ಪುಟಗಳ ನಡುವೆ
ಮರೆತ ಪದಗಳ ಕದನ,
ಮಾತಿರದ ಅರ್ಥಗಳ ನಡುವೆ
ಕಳೆದ ಕ್ಷಣಗಳ ಮನನ..!
**********************
ಹಾರಿ ಹೋಯಿತು ಕಾಗದ,
ಪುಸ್ತಕದ ಭಂದವನು ಬಿಡಿಸಿ,
ಪದಗಳ ಹೊರೆಯನು ಇಳಿಸಿ,
ಗಾಳಿಯ ಸಂಗವ ಬಯಸಿ,
ಬರೆದವನ ತಪ್ಪನು ಕ್ಷಮಿಸಿ,
ಹಾರಿ ಹೋಯಿತು ಕಾಗದ...!
***********************