"ಬಿಗ್ ಟೆಂಪಲ್ "

"ಬಿಗ್ ಟೆಂಪಲ್ "

ಆಗಾಧತೆ!! ಕಲ್ಪನೆಯನ್ನು ವಿಸ್ತರಿಸಿದೆಂತೆಲ್ಲ ಮಿತಿಯಿಲ್ಲದ ಕೃತಿಗಳು ತಯಾರಾಗುತ್ತವೆ. ಇಗೋ ಇಲ್ಲಿ ೧೦೦೦ ವರ್ಷಗಳ ಹಿಂದೆಯೇ ಬೃಹತತೆಯನ್ನು ಮೈವೆತ್ತಿ ನಿಲ್ಲಿಸಿದ್ದಾರೆ, ದೈವ ಭಕ್ತಿಯ ತುತ್ತತುದಿಯಲ್ಲಿ ಮನುಶ್ಯರ ಶಕ್ತಿಯ ಪ್ರದರ್ಶನವಿದ್ದಂತೆ!! ಕಲ್ಪನೆಗೆ ಕಲ್ಲು ಕರಗಿದೆ., ಭಕ್ತಿಯ ದಿವ್ಯ ಭಾವಕ್ಕೆ ಇಲ್ಲಿ ಜೀವ ಬಂದಿದೆ. ನೀಲಿ ಆಕಾಶದ ಹಿನ್ನಲೆಯಲ್ಲಿ ಇದರ ಭವ್ಯತೆಯನ್ನು ಕಣ್ಣು ತುಂಬಿಕೊಳ್ಳೋದೇ ನಮ್ಮ ಅದೃಷ್ಟವೆನಿಸಬಹುದು.

ತಂಜಾವೂರ್, ದಕ್ಷಿಣ ಭಾರತದ ತಮಿಳುನಾಡಿನಲ್ಲಿ ಇರುವ ಈ ಸ್ತಳ ಚೋಳ ಸಾಮ್ರಾಜ್ಯದ ಕಲೆ, ಸಂಸ್ಕೃತಿಯ ಪ್ರತೀಕ. ಇಲ್ಲಿರುವ ಬೃಹದೇಶ್ವರ ದೇವಸ್ಥಾನವನ್ನು ತಮಿಳಿನಲ್ಲಿ "ಪೆರಿಯ ಕೋವಿಲ್ " ಇಂಗ್ಲಿಷ್ನಲ್ಲಿ "ಬಿಗ್ ಟೆಂಪಲ್ " ಎಂದು ಕರೆಯ್ತತ್ತಾರೆ, ಹೆಸರಿಗೆ ಇಂಚಿನಷ್ಟು ಚ್ಯುತಿ ಬರದಂತೆ ಈ ದೇವಸ್ಥಾನ ನೋಡುಗರನ್ನು ಸ್ವಾಗತಿಸುತ್ತದೆ. ಸುಮಾರು ೧೦೦೦ ವರ್ಷಗಳ ಹಿಂದೆ ೧ನೇ ರಾಜ ರಾಜ ಚೋಳನ ಆಳ್ವಿಕೆಯಲ್ಲಿ ನಿರ್ಮಾಣಗೊಂಡ ಈ ದೇವಸ್ಥಾನ ನಂತರ ನಾಯಕರು, ಮರಾಠರ ಕೈಯಲ್ಲಿ ಉದ್ಧಾರಗೊಳ್ಳುತ್ತದೆ. ದೇವಸ್ಥಾನದ ವಿಮಾನದಲ್ಲಿ  ಇರುವ ಸುಮಾರು ೮೦ ಟನ್ ತೂಕದ ಕಲ್ಲಿನ ಗೋಪುರ, ಅಷ್ಟು ಭಾರದ ಕಲ್ಲನ್ನು ೭೦ ಮೀಟರ್ ಎತ್ತರದಲ್ಲಿ ಇಡಲು ಉಪಯೋಗಿಸಿರುವ ತಂತ್ರಜ್ಞಾನ ಮೂಕ ವಿಸ್ಮಿತರನ್ನಾಗಿಸುತ್ತವೆ. 

ಮನುಕುಲದ ಅದ್ಬುತ ಸೃಷ್ಟಿಯನ್ನು ಕಣ್ಣ್ತುಂಬಿಕೊಂಡಿದ್ದೆ ನಮ್ಮೆಲರ ಅದೃಷ್ಟ .!!

ಅಪರೂಪಕ್ಕೆ ಒಂದು ಕವಿತೆ / ಕತೆ 

ಮುಗಿಯುತ್ತಿದೆ ಮತ್ತೊಂದು ಮಳೆಗಾಲ,

ಹಿದೆಂದೋ ಕನಸು ಕಂಡಂತೆ, ಆ ರಸ್ತೆಯಲ್ಲಿ 

ಜಿನುಗುಡುವ ಮಳೆಗೆ ಕೊಡೆಯಿಡಿದು ನೆಡೆಯಬೇಕಿತ್ತು ನಾವು!

ಕಾರ್ಮೋಡದ ಜೊತೆ ಗುದ್ದಾಡಿ ಹೊರಬರಲು 

ತವಕಿಸುವ ಸೂರ್ಯನ ಪಡಿಪಾಟಲು ಕಣ್ತುಂಬಿಕೊಳ್ಳಬೇಕಿತ್ತು!

ಅಚಾನಕ್ಕಾಗಿ ನೆನಪಿಗೆ ಬಂದ ಹಾಡೊಂದನ್ನು ಗುನುಗಬೇಕಿತ್ತು !

ಅದು ಯಾವುದೊ ಸಿನಿಮಾದಲ್ಲಿ ತೋರಿಸಿದಂತೆ 

ಮಳೆಹನಿಗಳ ಬೊಗಸೆಯಲ್ಲಿ ಹಿಡಿಯಬೇಕಿತ್ತು! ಜೊತೆಗೆ 

ನೀ ಅಂದುಕೊಂಡಂತೆ ಮಳೆಯಲ್ಲಿ ಬೋರ್ಗೆರೆಯುವ 

ಸಮುದ್ರವ, ಸಾಲಿನ ಕೊನೆ ಬೆಂಚಿನಲ್ಲಿ ಕೂತು ನೋಡಬೇಕಿತ್ತು!!

ಪ್ರತಿ ಸಲದಂತೆ, ಈ ಸಲವೂ ಎಲ್ಲಾ ನಕ್ಷತ್ರಗಳ 

ಮಳೆಗಳು ಬಂದು ಹೋದವು! ಅಲ್ಲಿರುವ ಸಮುದ್ರ ,

ರಸ್ತೆ, ಮನೆ ಮೂಲೆಯಲ್ಲಿರುವ ಕೊಡೆ, ಎಲ್ಲಾ ಕಾಯುತ್ತಿದ್ದವು!!

ಬಸ್ !! ತುಮ್  ನಹಿ ತಾ!! ಪ್ರತಿ ವರ್ಷದಂತೆ ಮತ್ತೆ 

ಹಳೆ ಕನಸುಗಳಿಗೆ ಚಂದಾ ಕಟ್ಟಿ ಚಂದಾದಾರನಾಗುತ್ತೇನೆ !!

ಮುಂದಿನ ವರ್ಷ ಮತ್ತೊಂದು ಮುಂಗಾರು ಬರುತ್ತದೆ!

ನೀನು ಬರುತ್ತೀಯಾ! ಹಳೆ ಕನಸುಗಳು ಬರುತ್ತವೆ !!

ಆದರೆ, ನನಗೊಂದೇ ಚಿಂತೆ !! ನಾನು ಅಂದುಕೊಂಡಂತೆ,

ಆ ಸೂರ್ಯಾಸ್ತ, ಆ ರಸ್ತೆ, ಆ ಸುಮುದ್ರ ತೀರ, ಸಾಲಿನ 

ಕೊನೆಯ ಬೆಂಚು, ನಾನು , ನೀನು ಎಲ್ಲಾವೂ !!  ಅಂದು 

ಕಂಡಂತೆ ಇರಬಹುದಾ ? ಕ್ಷಣಕೊಮ್ಮೆ ಬದಲಾಗುವ ಅಲೆಗಳಂತೆ 

ಎಲ್ಲ ತಮ್ಮ ತಮ್ಮಲ್ಲೇ ಕಳೆದು ಹೋಗಿರಬಹುದಾ??

ನನಗೊಂದೆ ಪ್ರಶ್ನೆ

ನಾ ಬರೆಯುವ ಕವಿತೆಗಳ ತುಂಬಾ 

ಹಾಳು ಉಪಮೆಗಳ ಕಾಟ! 

ಇವು ಆಡುತಿವೆ ಬಿಡದೆ ಹಿಂಬಾಲಿಸಿ 

ಕವಿತೆಯೊಳಗೆ ನುಸುಳುವ ಆಟ!!

ಕೂತು ಹೇಳುತಿವೆ, ನಾವಿಲ್ಲದೆ 

ನಿನ್ನ ಕವಿತೆಗಳಿಗೆ ಜೀವವಿಲ್ಲ, ಭಾವವಿಲ್ಲ 

ಅರ್ಥವಂತು ಮೊದಲೇ ಇಲ್ಲ...!!

ನಾನು ಬಿಟ್ಟ ಕಣ್ಣು ಬಿಟ್ಟಂತೆ,

ಕೇಳಬೇಕಿದೆ ಇವುಗಳ ಮಾತು, 

ಯಾಕೆಂದರೆ ಇವುಗಳಿಲ್ಲದೆ 

ನನ್ನ ಕವಿತೆಗಳಿಗೆ ಓದಿಸಿಕೊಳ್ಳುವ

ಗತ್ತು ಇಲ್ಲ, ತಾಕತ್ತು ಇಲ್ಲ!!

ನನ್ನಂತ ಬಡಪಾಯಿ, ಆಮಾಯಕನ 

ಮೇಲೆ ಇವುಗಳ ದೌರ್ಜನ್ಯ ಸಲ್ಲ!

ನಾನಂತೂ..! ಇದ ಸಹಿಸುವುದು ಇಲ್ಲ!!

ಈಗ ನನಗೊಂದೆ ಪ್ರಶ್ನೆ..

ಬರೆಯಬಹುದಾ ಕವಿತೆಗಳಾ

ಈ ಉಪಮೆಗಳಿಲ್ಲದೆ...?

ಬದುಕು 

ಈ ಖಾಲಿ ಬದುಕಿನ
ತುಂಬೆಲ್ಲಾ ಬರೀ
ಓಣ ಸಿದ್ದಾಂತಗಳು..!

ಕೆಲಸಕ್ಕೆ ಬಾರದ,
ತಲೆ ಕೆರೆದರು ಅರ್ಥವಾಗದ,
ಗೊಡ್ಡು ಪುರಾಣಗಳು..!

ಈ ಬಾಳು ನಶ್ವರ,
ಆಸೆಯೇ ದುಖ್ಹಕ್ಕೆ ಮೂಲ,
ಎಂದು ಹೆದರಿಸುವ ಇತಿಹಾಸಗಳು..!

ಪ್ರೀತಿಯೇ ದೇವರು,
ಸತ್ಯವೆ ತಾಯಿ, ತಂದೆ, ಎಂದು
ನೆನಪಿಸುವ ಹಳೆ ಹಾಡುಗಳು..!

ಇವೆಲ್ಲದುದುರ ನಡುವೆ
ಮನಸ್ಸೆಂಬ ಓಣ ಹುಣಸೆ ಮರಕ್ಕೆ,
ಬಂದು ಜೋತಾಡುವ ಸತ್ತ ಕನಸುಗಳು..!

ಸುಡುಗಾಡು  

ಈ ಹಾಳು ಸುಡುಗಾಡಿನ 

ತುಂಬಾ ಕಾಡುಕಗ್ಗತ್ತಲು, 

ಸೂರ್ಯನಿಗೂ ಜಾಗವಿಲ್ಲ,

ಚಂದ್ರನಿಗೂ ನೆಲೆಯಿಲ್ಲ,

ನಕ್ಷತ್ರಗಳ ಕೂಗು ಕೇಳುವವರಿಲ್ಲ!

ಅಲ್ಲಿ ಕಾಣುತಿದೆ ದೂರದಲಿ 

ಹೆಣ ಸುಡುವ ಬೆಂಕಿ,

ಕಿವಿಗೆ ಸುಡುವ ಮೂಳೆಗಳ

ಚಟಪಟ ಸದ್ದು , ಮೂಗಿಗೆ 

ಅಡರುವ ಕಮಟು ವಾಸನೆ!

ಅಲ್ಲೊಂದು, ಇಲ್ಲೊಂದು ಎದ್ದು 

ಓಡಾಡುವ ಜೀವಂತ ಶವಗಳು,

ಬಾಳೆ ಇಲ್ಲದೆ, ಕನಸೇ ಇಲ್ಲದೆ

ಕತ್ತಲ ಹಿಡಿಯ ಹೊರಟ 

ಪ್ರೀತಿಯ ಪ್ರತಿ ರೂಪಗಳು !

ಕುಳಿತ್ತಲಿಯೇ ಬಂದು ಹೆದರಿಸುವ 

ಚೀತ್ಕರಿಸಿ, ಬಿಕ್ಕಳಿಸಿ, ಗಹಗಹಿಸಿ

ನಗುವ, ಸತ್ತ ಸಂಭಂದಗಳು!

ಎದ್ದು ನಿಂತರೆ ಸಾಕು,

ಬೆನ್ನೆರುವ ನೆನಪಿನ ಬೇತಾಳಗಳು!!

ಓಡಿ ಹೋಗಲಾ ನಾನು, ಕತ್ತಲ 

ಕೋಟೆಯಲಿ, ಕಾಲಿಗೆ ತೊಡರುವ 

ಮೂಳೆಗಳ ರಾಶಿ ತುಳಿದು, ನನ್ನ 

ಹಳೆಯ ಸಮಾಧಿಗೆ ಮಣ್ಣು 

ಮುಚ್ಚಿ, ಮರಣ ಶಾಸನವ ಬರೆದು 

ಓಡಿ ಹೋಗಲಾ...?

ಎಲೆ

ಉದುರಿ ಬಿದ್ದ ಆ ಎಲೆಗೆ
ಮೇಲೇರುವ ಆಸೆ ಇರಲಿಲ್ಲ ,
ಬಿದ್ದ ಎಲೆಯ ಸಪ್ಪಳ ಕೇಳುವ
ಗೋಜು ಯಾರಿಗೂ ಇಲ್ಲ !

ಬಿಸಿಲಿಗೆ ಒಣಗಿ ಬಾಡಿ
ಬಿದ್ದ ಎಲೆ ಆದಾಗಿರಲಿಲ್ಲ,
ಯಾರೋ ಬಲವಂತದಿಂದ
ಕಿತ್ತು ಬಿಸಾಡಿರಬೇಕು !!

ತಾನು ಮಾಡಿರುವ
ತಪ್ಪಾದರೂ ಏನು..?
ಎಂದು ಕಾರಣ ಹುಡುಕುವ
ಆಟ ತಿಳಿಯದ ಎಲೆ ಅದು !

ಆದರೆ ಕೀಳುವ ಮನಸಿಗೆ
ಕಾರಣ ಬೇಕಾಗಿರಲಿಲ್ಲ
ತನ್ನ ಖುಷಿಗೆ, ಬೇರೆಯವರ
ಮನನೋಯಿಸುವ ಮನಸ್ಸಿನಂತೆ !!

ಅಗೋ ನೋಡಿ ಓಡುತ್ತಿದೆ

ಅಗೋ ನೋಡಿ ಓಡುತ್ತಿದೆ
ಹುಚ್ಚು ಕುದುರೆ ಬೆನ್ನ ಹೇರಿ
ಕಂಡದೆಲ್ಲ ನುಂಗಿ ಹಾಕಿ
ಮುನುಕುಲಕೆ ಬಲೆಯ ಬೀಸಿ
ಅಗೋ ನೋಡಿ........!

ಅಗೋ ನೋಡಿ ಓಡುತ್ತಿದೆ
ಬದುಕುಗಳನ್ನು ಅಸ್ತಗೊಳಿಸಿ
ಬಂಧಗಳ ತುಳಿದುಹಾಕಿ
ಕನಸುಗಳಿಗೆ ಬೆಂಕಿ ಇಟ್ಟು
ಅಗೋ ನೋಡಿ......!

ಅಗೋ ನೋಡಿ ಓಡುತ್ತಿದೆ
ಅಟ್ಟಹಾಸದ ಕೂಗು ಹಾಕಿ
ಕಣ್ಣಿರಿನ ಹೊಳೆಯ ಹರಿಸಿ
ಆತ್ಮ ಶಕ್ತಿಯ ಸದೆಬಡಿದು
ಅಗೋ ನೋಡಿ.........!

ಅಗೋ ನೋಡಿ ಓಡುತ್ತಿದೆ
ಎದೆಯ ಕದವ ಸ್ವಲ್ಪ ಸರಿಸಿ
ಕಣ್ಣು ಮಿಟುಕಿ ,ಪಿಸುಗುಟ್ಟಿ
ಮತ್ತೆ ಬರುವೆ ನಾನು ಎಂದು
ಕೇಕೆಹಾಕಿ ಓಡುತ್ತಿದೆ...!

ಕಳೆದ ಕನಸುಗಳು

ದಾರಿಯಲ್ಲಿ ಅವನನ್ನು ನೋಡಿದಾಗ ಬಾಲ್ಯದ ನೆನಪೆಲ್ಲ ಒಟ್ಟಾಗಿ ಓಡಿಬಂದು ಕಣ್ಣಮುಂದೆ ನಿಂತವು, ಮನಸ್ಸು ಗೂಗಲ್ ಗಿಂತ ಫಾಸ್ಟ್ಅಲ್ವಾ.? ಆ ನೆನಪುಗಳ ಬುಟ್ಟಿಯಲ್ಲಿ ಚಂದವೆನಿಸುವ ಅನುಭವಗಳು ಬೆಚ್ಚಗೆ ಕುಳಿತು ನನಗೆ ಅಣಕಿಸುತ್ತಿದ್ದವು. ಆ ದಿನಗಳ ನಮ್ಮ ಲೋಕವೇ ಚಿರಂತನ, ನಾಳೆಯ ಚಿಂತೆಯಿಲ್ಲದೆ, ಸಂಭಂದಗಳ ಗೊಡವೆ ಇಲ್ಲದೆ, ಬಣ್ಣ ಬಣ್ಣದ ಕನಸುಗಳನು ಕಟ್ಟುವ ಕ್ಷಣಗಳು.

ನಾನು ದೊಡ್ಡವನಾದಾಗ engineer ಆಗ್ತೀನಿ, doctor ಆಗ್ತೀನಿ, police, teacher, lawyer ಆಗ್ತೀನಿ ಎಂದು ಕ್ಲಾಸಲ್ಲಿ ಟೀಚರ್ ಕೇಳಿದಾಗ ಹೇಳಿದ ನೆನಪು! ಆಗ ನಾವು ಹೇಳಿದ್ದು ನಮ್ಮ ಕನಸಾ..? ಯಾಕೋ doubt. ನನಗನ್ಸುತ್ತೆ ನನ್ನ ಅಣ್ಣ ಇಂಜಿನಿಯರ್ ಆಗಿದ್ದ ಕಾರಣವೋ ಏನೋ ನಾನು ಹಾಗೆ ಆಗಬೇಕು ಅಂದುಕೊಂಡಿದ್ದೆ, ನಾನು lightagi ದಾರಿ ತಪ್ಪಿದ್ದು ಇಲ್ಲೇ ಅನ್ಸುತ್ತೆ. ಆ ಕಾಲದಲ್ಲಿ we are under some influence ಅಲ್ವಾ...? ಆ influence ಸುಳಿಯಲ್ಲಿ ನಮ್ಮ ಎಷ್ಟೋ ಕನಸುಗಳು ಕಳೆದು ಹೋಗಿರೋದು ಗೊತ್ತಾಗಲೇ ಇಲ್ಲ.

ಈ ರೀತಿ ಕನಸು ಕಳೆದಿವೆ ಎಂದು ಗೊತ್ತಾಗಿದ್ದೆ ನಾನು ಇ so called BE ಮುಗಿಸಿದ ಮೇಲೆ. I am engineer ಎನ್ನುವ ಉದ್ಗಾರದ ಹಿಂದೆ ಕಳೆದ ಕನಸುಗಳ ಸಾಲು ಮೆರವಣಿಗೆ ಹೊರಟಿತ್ತು, ಗುರುತು ಸಿಗದಿದ್ದ ಹಾಗೆ ಬದಲಾಗಿದ್ದವು , ಬದಲಾಗಿದ್ದು ನಾವ..? ಆ ಕಳೆದ ಕನಸುಗಳ ಅರ್ಥ ಸ್ಕೂಲ್ ಬ್ಯಾಗ್ ಹೊತ್ತು ನಡೆಯುತಿದ್ದ ಹುಡುಗನ ನೋಡಿ ತಿಳಿಯಿತು..

ಮತ್ತೆ ಬರಬಾರದೆ...?

ಬಾಲ್ಯವೆಂದರೆ ಹಾಗೆ! ಸುರಿವ ಮಳೆಗೆ ಮೈಯೊಡ್ಡಿ ನಿಂತಿರುವ ಕನಸುಗಳನ್ನು ಬಾಚಿ ತಬ್ಬಿದಂತೆ, ಸಂಜೆಯ ತಂಗಾಳಿಯಲ್ಲಿಏಕಾಂತದ ವಿಹಾರದಂತೆ, ಸೂರ್ಯನ ಚಿನ್ನಾಟವಿರುವ ಓಂದು ಬೆಚ್ಚಗಿನ ಮುಂಜಾವಿನಂತೆ....!
ಅಲ್ಲಿರುವ ಗೆಳೆತನ, ಓದು, ಆಟ, ಹಠ, ಮುಗ್ದತೆ, ಕುತೂಹಲ, ಭಯ ಎಲ್ಲವು ಮೈದುಂಬಿದ ಸುಗ್ಗಿಯ ಬೆಳೆಯಂತೆ...!

























ಈಗಿನ ಸುಂದರ ಮುಖವಾಡದ, ಕೃತಕ ನಗುವಿನ ಕನಸುಗಳ ಹಿಂದೆ ಓಡುವ ನಮ್ಮ ಹುಂಬತನವ ನೋಡಿ ನಗುತ್ತಿರುವ ಬಾಲ್ಯದಮುಗ್ದತೆ ಮತ್ತೆ ತಿರುಗಿ ಬರಬಾರದೆ...?

ನೆನಪುಗಳು..!

ಬಹುದಿನಗಳಿಂದ ಹುಡುಕಿದ
ನೆನಪು ಸಿಕ್ಕ ಸಂತೋಷ,
ಸಿಕ್ಕ ನೆನಪಿಗೆ, ಚಿಕ್ಕ ಅಲಿಂಗನ
ಉಭಯ ಕುಶಲೋಪರಿ ಸಂಪ್ರತ !

ಬಿಸಿಲ ಮಧ್ಯಾನ, ಜನಗಳ ಜಾತ್ರೆಯಲ್ಲಿ
ನೆನಪಿನೊಂದಿಗೆ ನೆನಪುಗಳನ್ನು ಹುಡುಕುತ್ತ
ಕಾಲೆಳೆಯುತ್ತಾ, ಸುಖ ಸುಮ್ಮನೆ ಹರಟುತ್ತ,
ಬೇಡವಾದರೂ ನೆನಪಿಗೆ ತೆರಿಗೆ ಪಾವತಿಸುತ್ತ!

ಹೊರೆಟೆನು ನೆನಪಿನ ಜೊತೆಗೆ, ಬಹುದೂರ
ದಾರಿಯಲ್ಲಿ ಸಿಕ್ಕ ಪುಸ್ತಕದ ಸಂತೆಯಲ್ಲಿ
ಒಂದು ಪರಿವೀಕ್ಷಣೆ, ಒಂದೋ ಖರೀದಿ
ಆದರೂ ನೆನಪಿಗೇಕೆ ಕಾಂಚಾಣದ ಕರ!

ಆಗೂ ! ಮತ್ತೊಂದು ನೆನಪು ಜೊತೆಯಾಯ್ತು,
ಒಟ್ಟಿನಲ್ಲಿ ನೆನಪುಗಳೊಂದಿಗೆ ನೆನಪಿನ ದಿಗಂತದಲ್ಲಿ
ಮರೆಯಾಗಿ, ಮರಳಿ ಹುಡುಕಿ ಬಂದ
ವಿಳಾಸದ ಜೊತೆಯಾಗಿ ! ಅರ್ಥವಿಲ್ಲದ ಪಯಣ.

ಅನುಕ್ಷಣದ ಗೊಂದಲ, ವಿಧವಿಧವಾದ ಆಯ್ಕೆಗಳು,
ಆಯ್ಕೆಗೂ ಬೇಕು ದುಡ್ಡಿನ ಬಲ,
ಮೂರು ಕ್ಷಣದ ಖುಷಿಗೆ, ಅದು ನೆನಪಿನ ಜೊತೆಯಲ್ಲಿ,
ಕ್ಷಮಿಸಿ..! ನೆನಪುಗಳ ಜೊತೆಯಲ್ಲಿ.

ಮುಗಿದ ಅಧ್ಯಾಯದ ಕೊನೆಯ ಪುಟದಂತೆ,
ಎಲ್ಲ ಪುಟಗಳ ಬಂಧವನ್ನು ಬಿಡಿಸಿದಂತೆ,
ಅರ್ಥವಾಗದ ವಿಷಯಗಳ ಮರೆತಂತೆ!
ಕ್ಷಣ ಹೊತ್ತು ಜೊತೆಯಾದ ನೆನಪುಗಳ,
ಬಿಳ್ಕೊಡುಗೆಯಂತೆ...!

ಅರಮನೆ

~~~ ಅರಮನೆ~~~

ಅಲ್ಲಿರುವ ಬಣ್ಣಗಳೇ ಹಾಗೆ,
ನೋಡಿದರೆ, ಕೇಳಿದರೆ
ಹೇಳುತ್ತವೆ ನೂರಾರು
ಕತೆಗಳು!

ಗತಕಾಲದ ವೈಭವದ
ಮೆರವಣಿಗೆಯ ಜಾತ್ರೆಯಲಿ,
ನೂರಾರು ಸಾಹಸಗಾತೆಯ
ಕಲ್ಲುಗಳು!

ಅಲ್ಲಿದೆ ದಬ್ಬಾಳಿಕೆ, ನಿಯಮ
ಕಟ್ಟುಪಾಡುಗಳ ಸರಪಳಿ,
ಕಾಡುವ ಬೇಹುಗಾರಿಕೆಯ
ಕುತಂತ್ರಗಳು!

ನಿತ್ಯ ಬರುವ ಕಣ್ಣುಗಳಿಗೆ
ಕಿಂಚಿತ್ತು ಮುಚ್ಚಿಟ್ಟು
ಬೇಡದುದುರ ಬಚ್ಚಿಟ್ಟು, ಆಡುವ
ಕಾಣದ ಕೈಗಳು!

ಕಳೆದ ವಿಳಾಸ

ನೆರಳಿಲ್ಲದ ಊರಿನಲ್ಲಿ
ವಿಳಾಸ ಹುಡುಕುವ ತವಕ,
ಬಾಯಾರಿ ಬಸವಳಿದ ಮನಸಿನ ತುಂಬಾ
ಕಾಣದ ಓರತೆಯ ಪುಳಕ!

ಊರೆಲ್ಲ ಹುಡುಕಿದರೂ
ವಿಳಾಸ ಸಿಗುತ್ತಿಲ್ಲ,
ರಚ್ಚೆ ಹಿಡಿದ ಮಗುವಿನಂತೆ
ಮನಸ್ಸು ಬಿಡುತ್ತಿಲ್ಲ!

ಅಗೋ! ಅಲ್ಲಿರಬಹುದೆಂದು ಊಹೆ,
ಓಡುತಿದೆ ಮನಸ್ಸಿನ ಕುದುರೆ
ಇರುವ ಭಂದನಗಳ ಬಿಡಿಸಿ,
ಕಾಣದ ಮನ್ವಂತರದ ಕಡೆಗೆ!

ಕೆಲವೊಮ್ಮೆ ಊಹೆಯು ಸುಳ್ಳಾಗಬಹುದು!
ಊಹೆಗೂ ನಿಲುಕದ ವಿಷಯಗಳಿರಬಹುದು!
ಮನಸ್ಸು ಹಿಡಿದ ವಿಳಾಸವೇ ತಪ್ಪಿರಬಹುದು !
ಭಾವಕೆ ನಿಲುಕದ ಕನಸಿರಬಹುದು..?

ಈ ಕನಸು ಮನಸ್ಸುಗಳ ನಡುವೆ
ನಾನು ಹುಡುಕುತ್ತಿರುವ ವಿಳಾಸವೇ,
ಕಳೆದಿರಬಹುದು....!

ನನ್ನ ಮಾತು

ವಿವಿಧ ಮುಖ
ಕತ್ತಲ ಕೋಣೆಯಲ್ಲಿ ಮನಸ ಕನ್ನಡಿಯಿಟ್ಟು ನನ್ನ ನಾನು ನೋಡಿದರೆ,
ವಿವಿಧ ಮುಖಗಳು, ಗುರುತು ಸಿಗದ,ಭಾವ ತಿಳಿಯದ!
ಕಂಡರೂ ಕಾಣದ ಸ್ನೇಹಿತರೆ ನನ್ನ ಮನದ ಅರಮನೆಯ ಖಾಲಿ ಮಾಡುವಿರಾ?
ಹೊದಿಕೆಯೊದ್ದು ಮಲಗಿರುವ ಕನಸ ಕನಸನ್ನು ನನಸಾಗಿಸುವಿರಾ॥

ಕನಸಿನ ಹನಿ

ಮೋಡದ ಮನೆಯ ಆಸೆಯ ಕನಸು ಹನಿಗಳಾಗಿ ಮೂಡಿವೆ,
ಆಸೆ ಕಡಲು ಉಕ್ಕಿ ಹರಿದು ಮಳೆಯಾಗಿ ಸುರಿದಿವೆ।
ಜೀವದ ಭಾವವು ಚಿಗುರೊಡೆದು ಮನವು ಹಸಿರಾಗಿದೆ,
ಜಿಗಿದು ಬಂದ ಹನಿಗಳೂಡನೆ ಕನಸು ಕುಣಿದಾಡಿದೆ॥

ಮೊದಲ ಮಳೆ
ತವರಿನ ಕರೆಗೆ ಓಗೂಟ್ಟು ಬರುತ್ತಿರುವ ಓ ಮಳೆಯೇ,
ನಿನಗಿದೊ ಸ್ವಾಗತ, ನಿನಗಿಲ್ಲಿ ಕಾದಿವೆ ಮರಗಿಡಗಳ ಹಸಿರು,
ಹಕ್ಕಿಗಳ ಉಸಿರು, ಬಾ ತಣಿಸು ಮನವ,ತವರಿಗೆ ಸುಖವ॥

ಆಗಸಕೆ ರಂಗೆರಚಿ...!

ಸೂರ್ಯನ ಅಂಗಳದಲ್ಲಿ

These were the taken on road side while coming from nandhi hills...!